Til marks um slakt upplýsingaflæði Landspítala.

Anna Stefánsdóttir hélt því fram í fjölmiðlum að uppsagnir yfirmanna Landspítalans á vaktalínum hjúkrunarfræðinga skurð- og svæfingadeildanna hefðu ekki átt að koma neinum á óvart þar sem umræður þess efnis hófust fyrir 4 árum.  Vel má vera að Anna Stefánsdóttir hafi undir höndum tölvupóstsendingar milli sín og annarra yfirmanna LSH þar sem fjallað er um framtíðaráform í stjórnun deildanna.  Hitt er svo annað mál og öllu alvarlegra að slíkar upplýsingar hafi aldrei borist í hendur "fólksins á gólfinu".  Er það ekki bara til marks um slakt upplýsingaflæði milli stjórnenda og starfsmanna Landspítalans?  Því stend ég við orð mín þess efnis að starfsfólk deildanna heyrði fyrst af breytingunum í janúar síðastliðnum.  

Erla Björk Birgisdóttir, trúnaðarmaður skurðhjúkrunarfræðinga í Fossvogi.

Stál í stál á Landspítala

Athugasemdir

[Hólmdís Hjartardóttir, 26.4.2008 kl. 13:37]

Áfram stelpur!!!

[Aðalsteinn Baldursson, 26.4.2008 kl. 14:22]

Áfram allir hjúkrunarfræðingar, ekki bara stelpurnar.

[Bumba, 26.4.2008 kl. 14:44]

Sæl Erla, "við erum allar hjúkrunarsystu", sungum við á Kleppi í gamla daga áður en ég fór til hjúkrunarnáms í Noregi, sem ég þó kláraði ekki, fór að læra annað, en barðist við samvizkubit í meira en 20 ár yfir því að hafa ekki lokið námi. Hef þó alltaf fylgst með mínu gamla fagi , og STYÐ YKKUR HEILS HUGAR. Haldið áfram að vernda ykkar fag og nám og vinnu.  Látið ekki deigan síga.Styð ykkur í baráttunni. Með beztu kveðju.

[Vésteinn Valgarðsson, 27.4.2008 kl. 06:28]

Nú þekki ég ekki gjörla til málsins af fyrstu hendi, en ef upplýsingaflæðið hjá Landspítalanum hefur ekki verið sem skyldi, þá er það víst ekki neitt einsdæmi.

[Erla Björk Birgisdóttir (IP-tala skráð) 27.4.2008 kl. 10:45]

Við þökkum stuðninginn og reynum af mesta mætti að halda góðu upplýsingaflæði milli okkar (skurð- og svæfingahjúkrunarfræðingar) og ykkar (restin af þjóðinni) á meðan á baráttu okkar stendur.  Vonast til að með því sýnum við stjórnendum LSH gott fordæmi